Majistra Konte Miami-Dade Carlos A. Gimenez siyen Dekrè Egzekitif ki egzije rapò COVID-19 pou tout etablisman sante rezidansyèl

Majistra Konte Miami-Dade Carlos A. Gimenez te siyen Dekrè Egzekitif 22-20 nan mèkredi 6 me 2020 pou òdone tout etablisman swen sante rezidansyèl nan zòn ki pa enkòpore ak zòn enkòpore nan Konte Miami-Dade pou bay rapò detay sou sitiyasyon COVID-19 nan etablisman yo, si Konte an mande sa. Dekrè Egzekitif sa a te antre an vigè imedyatman nan dat 6 me.

Enfòmasyon sa a gen ladan sa ki annapre yo:

• Konbyen pasyan ki pozitif avèk COVID-19 ki aktyèlman ap viv nan etablisman an
• Konbyen anplwaye ki pozitif avèk COVID-19 ki ap travay nan etablisman an, epi dat chak anplwaye sa yo te nan etablisman an pou dènye fwa
• total rezidan kounye a ki entène lopital akòz COVID-19 la
• Kantite total moun ki mouri akòz COVID-19 la, si genyen, pami ansyen rezidan etablisman an.

Lè yo ap kreye premye rapò yo, etablisman yo dwe rapòte:

• Kantite ka pozitif COVID-19 pami pasyan etablisman an gen jiska dat
• Kantite pasyan ki mouri pasyan akoz COVID19 la jiska dat
• Kantite ka pozitif COVID-19 pami pèsonèl a jiska dat.

Etablisman swen sante rezidansyèl yo gen ladan yo:

• Etablisman pou moun ki paka itil tèt yo anyen
• Mezon swen enfimye
• Mezon swen pou granmoun an fanmi
• Etablisman swen entèmedyè
• Etablisman swen a domisil
• Etablisman tranzisyonèl

Pou li detay Dekrè Egzekitif 22-20, klike isit.

Pou lòt mizajou sou COVID-19 la, gade miamidade.gov/coronavirus.